Gjoksi veç rritet, gruaja vuan nga dhimbjet konstante

Një grua është në dhimbje konstante për shkak të një gjendjeje misterioze, si pasojë e së cilës gjoksi i rritet në mënyrë të pakontrolluar. Lamphrai Srinuan nga Tajlanda e ka të pamundur të ecë pa paterica, për shkak të gjoksit gjigant që i prek shpatullat, shpinën dhe kraharorin. 46-vjeçarja e dalloi fryrjen fillimisht 3 vjet më parë, por nuk i vuri shumë rëndësi, derisa nisi të kishte dhimbje në fund të vitit të shkuar.

2 muaj më parë, bashkëshorti e çoi në spital, ku mjekët u habitën nga gjendja e saj. Ata i bënë gruas skaner dhe ekzaminime të tjera, por nuk gjetën shenja tumori. “E kam shumë të vështirë qoftë të ulem apo edhe të flejë natën. Gjoksi po bëhet gjithnjë e më i rëndë dhe më dhemb qafa e kurrizi”, rrëfen Lamphrai në një shkrim të botuar nga Mirror.

Ajo punonte në bujqësi por u detyrua të linte punën pasi mori infeksion në kyçe dhe tanimë nuk mund të lëvizë pa paterica. Për të mbajtur gjoksin gjigand, ajo është e detyruar të përdorë një copë të lidhur rreth qafës. 46-vjeçarja po bën tashmë apel për ndihmë për shpenzimet mjekësore dhe shpreson që dikush do të mund ta ndihmojë për të kuruar këtë gjendje.