Gratë më të forta se burrat në dhimbje

Gratë i kujtojnë më pak episodet e dhimbshme të jetës dhe, kur u përsëriten këto episode, ato janë më pak të nënshtruara ndaj stresit, tregon studimi kanadez nga Universiteti ”McGill” dhe Universiteti i Torontos, që u botua në ‘’Current Biology’’.

Analiza theksoi dallimet mes gjinive, ku rezultoi se si meshkujt kujtojnë përvojat e mëparshme të dhimbshme në mënyrë më të qartë dhe ishin më të ndjeshëm kur u kthyen në vendin ku kishin jetuar të njëjtin moment të mëparshëm negativ.

Ndërsa kjo dukuri nuk u shfaq në mesin e femrave.

”Kjo potencialisht mund të ndihmojë në zbulimin e trajtimeve të reja për format kronike të dhimbjes”, thuhet në studim.

“Ne vendosëm të bëjmë një eksperiment me dhimbjen mbi ndjeshmërinë tek minjtë dhe gjetëm këto dallime të habitshme në nivelet e stresit në mesin e minjve meshkuj dhe femra”, thotë Jeffrey Mogil, një nga kërkuesit e studimit.

‘’Më  pas vendosëm të shtrijmë eksperimentin edhe tek njerëzit për të parë nëse rezultatet ishin të ngjashme, dhe mbetëm të tronditur kur pamë se u vunë re të njëjtat dallime’’, shtoi ai./ATA/