Humbi të dyja këmbët nga sëmundja e rëndë, veterani mbjell 17 mijë pemë për 19 vite

Një veteran, i cili humbi të dy këmbët si pasojë e një sëmundje, ka kaluar pothuajse dy dekada duke mbjellë e rritur pemë në një mal të braktisur.

I moshuari Ma Sanxiao, 70 vjeç, ka mbjellë më shumë se 17.000 pemë në Malin e Taihang dhe zakonisht kalon gjithë ditën në shkretëtirë i vetëm.

Ndonëse nuk i ka të dyja këmbët, Sanxiao mban dy proteza kur lëviz në zonën e tij, në shtëpi apo qytet, por kur vjen puna tek mbjellja e pemëve, ai heq protezat.

Mbjellja e pemëve – Sanxiao së pari e filloi krijimin e pyllit si një mënyrë për të fituar para shtesë për familjen e tij, të cilët jetojnë me të në fshatin Mayu, Jing County, pjesë e Provincës Hebei të Kinës veriore.

Sipas China Neës, zoti Ma fillon ditën e tij në orën 5 të mëngjesit dhe me kalë shkon nga shtëpia e tij në mal, ku mbjell edhe pemët.

Mbjellja e pemëve nuk është e lehtë – dhe z. Ma ka pësuar lëndime serioze pasi ka rënë në çara të thella gjatë vizitave të tij.

Njëherë, të dyja trungjet e tij u shtypën dhe duhej të kishin pllaka hekuri që të futeshin në to, ndërsa një tjetër incident lanë një gisht të infektuar dhe duhej amputuar.

Por ish-ushtari e përshkruan veten si një ‘luftëtar’ dhe tha se nuk mund të ‘qëndronte në shtrat duke pritur ndihmë’.

Ma Sanxiao: Për mua, ato nuk janë pemë. Unë i konsideroj ata si ushtarët që kam urdhëruar. Ata më bëjnë të ndihem shumë i përmbushur. Për sa kohë që unë jetoj, do ta lë traditë mbjelljen e drurëve për brezat e ardhshëm.

Ma Sanxiao iu helmua gjaku, ndërsa shërbente në provincën Fujian në vitin 1974. Gjendja e tij u përkeqsua dhe në vitin 1985 këmba e tij e djathtë u pre.

Më pas në 2005 ia prenë edhe këmbën e majtë.

Qeveria kineze arriti të sigurojë Ma me ndihmë financiare pasi historia e tij u raportua për herë të parë në vitin 2008.

Publikimi i ka sjellë atij edhe kompaninë në formën e vullnetarëve, të cilët ndihmojnë kur munden.