Ku të ulemi në avion?! Vendi më pak i preferuar nga pasagjerët rezulton më i sigurti

Përzgjedhja e vendit se ku do të ulemi në avion është një makth i vërtetë. Megjithatë, nëse jeni i ndjeshëm ndaj situatave të sikletshme gjatë fluturimit, këshilla e parë do të ishte: shkoni në rreshtin e fundit! Edhe pse rreshti i fundit shpeshherë është ai më i padëshiruari, ka disa arsye që e bëjnë atë të jetë zgjedhja e duhur.

A nuk e urreni kur gjunjët e dikujt, shtrëngojnë brinjët tuaja përmes mbështetëses gjatë gjithë fluturimit? Kjo mund të jetë e bezdisshme edhe në kinema dhe dikush vazhdimisht i shtyn këmbët e tyre përpara dhe ju bezdis në karrigen tuaj. Vendet në rreshtin e fundit, kanë luksin mos të kenë asnjë njeri pas, kështu që nëse ai ‘’pasagjeri i bezdisshëm’’ pas jush mund të shmanget, pse do ta mendonit dy herë si zgjedhje?!

Së dyti, këto vende duke qenë si më pak tërheqës në aeroplan, bën të mundur që rreshti i fundit shpesh të mbetet bosh. Në aeroplanët më të vegjël disa prej këtyre vendeve rezervohen edhe për ekuipazhin e kabinës (të cilët nuk i përdorin domosdoshmërisht ato), kështu që nëse keni vendosur të uleni në rreshtin e fundit, kjo do të thotë më shumë hapësirë për ju, pasi mund të keni fatin të keni në dispozicion dy ose tre vende boshe që nuk përdoren!

Së treti, është thuajse e sigurt që fëmijët e vegjël janë duke u ulur larg prej jush! Zakonisht, familjet që udhëtojnë me fëmijë të vegjël, zgjedhin të ulen në fillim të avionit. Kështu që, nëse zgjidhni rreshtin e fundit, jo vetëm që do keni më shumë hapësirë, pasi nuk prindërit që udhëtojnë me fëmijë kanë çanta shtesë të oksigjenit për fëmijët. Gjithashtu, nuk do të shqetësoheni nga lëvizjet e shpeshta që fëmijët mund të kenë gjatë fluturimit, apo të qarat e tyre.

E fundit, por jo më pak e rëndësishmja, rreshti i fundit ka vendet më të sigurta, në rast se avioni pëson një aksident.

Sigurisht, linjat ajrore do t’ju thonë se kjo nuk është e vërtetë, pasi atëherë të gjithë do të duan të ulen në rreshtin e fundit, por statistikat thonë se nëse avioni rrëzohet, ndërtimi i bishtit të avionit do të jetë më së paku i dëmtuar. Prandaj nuk është e pazakontë që edhe regjistruesi i fluturimit, i njohur zakonisht si kuti e zezë, vendoset në pjesën e bishtit të aeroplanit, ku ka më shumë gjasa të mbijetojë në rast të një aksidenti të rëndë.