Mike Tyson nuk është i vetmi person që mban për kafshë shtëpiake një tigër.
Autoritetet shtetërore në Nigeri raportojnë se një qytetar i Lagos mbante për kafshë shtëpiake një luan.
Madje ai shërbente si “roje” dhe qëndronte në oborrin e shtëpisë ndërkohë që në anën tjetër të rrugës ndodhet një shkollë 9 vjeçare.
Disa oficerë të task forcave dhe të forcave speciale ushtarake arritën të neutralizojnë kafshën e egër me qetësues dhe më pas e dërguan në kopshtin zoologjik të Bogije Omu në Lekki.
Ky operacion erdhi pas dënoncimit të disa prej banorëve të lagjes të cilët dorëzuan një peticion në ministrinë e Mjedisit.
Drejtori i shkollës pranë kësaj banese shprehet se ishte në dijeni të tij dhe se nuk mund të siguronte fëmijët.
Policia i bën thirrje të zotit të shtëpisë që të paraqitet pranë stacionit të policisë që të vetëdorëzohet. Nga hetimet paraprake dyshohet se luani jetonte prej dy muajsh në banesë.