Muzika melankolike përmirëson humorin

Muzika e lehtë qetëson shpirtin dhe ndjell ndjenjën e rehatisë dhe kënaqësinë. Ky është rezultati i publikuar së fundmi nga një ekip studiuesish në Universitetin e Durham në Britani dhe Universitetin e Jyväskylä në Finlandë. Studimi i publikuar në Plos One, thekson efektin e dyfishtë që muzika ka në psikikën e njerzëve. Në situata ku njeriu është në një gjendje emocionale të trishtuar, është i prirur që të dëgjojë muzika të trishtuara, të cilat korrespondojnë me atë që ndjejmë në atë moment. Por sipas studimit, muzikat melankolike luajnë një rol shumë të rëndësishëm në përmirësimin e humorit dhe gjendjen shpirtërore. Studimi i zhvilluar nga dy grupe akademike, morën në konsideratë emocionet e 2436 personash, të cilët dëgjonin melodi të trishta. Në përfundim të studimit u vu re, që personat që degjuan muzikë të trishtë deklaruan që ishin më të qetë, më të lumtur dhe plot energji.