Një artist cirku, i cili numrat e preferuar i ka me flakë, ka shpenzuar më shumë se 20 mijë dollarë për t’i ngjasuar një dragoi.
30-vjeçari Joshua Bruns, ka kryer ndërhyrje duke bërë tatuazh të bardhën e syve, për ta etiketuar veten si personi më i “modifikuar në botë”.
Gjithçka nisi në moshën 19-vjeçare, kur Joshua vendosi të ndante gjuhën në dy pjesë. Që prej asaj kohe Joshua ka bërë ndërhyrje të shumta në trup, ku spikat dhe prerja e veshëve dhe silikoni në formën e bririt i vendosur në ballë.
Në këtë rrugë, 30-vjeçari ka mbështetjen e të dashurës, e cila e shtyn që t’i shtojë ndryshimet në trup.
