Ngjiste malet me bikini, vdes nga i ftohti

Një alpiniste që u bë e famshme në mediat sociale pasi bëri selfie në majat e maleve me bikini ka vdekur. Gigi Wu, e njohur si “Ngjitësja me bikini”, ra në një kanion në parkun kombëtar të Yushan të Tajvanit, ku u plagos rëndë. Ajo përdori një telefon satelitor për të njoftuar miqtë e saj që t’i vinin në ndihmë por helikopterët e shpëtimit e kishin të vështirë të shkonin në kanion për shkak të motit të keq. Zyrtarët e gjetën trupin e saj të pajetë të hënën. 36-vjeçarja mendohet të ketë vdekur nga hipotermia. Wu ishte në një turne shumëditor vetëm në Parkun Kombëtar Yushan, ku ndodhen majat më të larta të Tajvanit që arrijnë lartësinë 4000 metra. Gigi u bë e famshme për postimin e fotografive në majat e malit me bikini. Por ishte alpiniste me përvojë, pasi përdorte gjithmonë pajisjet e duhura dhe merrte masat paraprake gjatë ekspeditave të saj. Sipas mediave moti i keq nuk lejoi helikopterin e shpëtimit që të shkonte në vendngjarje. Dhe u nis një mision shpëtimi në këmbë. Trupi i saj u gjet i ngrirë të hënën pasi temperaturat ishin shumë të ulëta gjatë natës.