Përdori bojë flokësh, pëson deformim të rëndë të fytyrës
Kuriozitete E Martë, 14 Shtator 2021 17:35
Estelle, një studente franceze 19-vjeçare, u zgjua në mëngjes me kokën të fryrë për shkak të një boje flokësh.
Ajo u dërgua në spital, ku mjekët i thanë se kishte ndodhur për shkak të një reaksioni që kishte ndaj lëndës para-fenilenediamin (PPF).
Dhe këto reaksione, sipas mjekëve, nuk janë aspak të pazakonta.
Estelle kishte dashur të lyente flokët të zinj, nga bionde që i kishte. Por pak orë pasi kishte vënë bojën kishte nisur të ndiente kruarje, më pas ënjtje.
Ajo u zgjua të nesërmen dhe perimetri i kokës i ishte rritur me shtatë centimetra.
PPF gjendet në 90% të bojërave të flokëve, por përqendrimi i kësaj lënde është kufizuar me ligj në vitin 2013.
