Studimi/ Ilaçi që shëron më shpejt të infektuarit me Covid-19. Përdoret për kurimin e…
Një ilaç që përdoret zakonisht për të trajtuar përdhesin (një lloj artriti në të cilin formohen kristale të vegjël brenda dhe rreth nyjeve. Ajo shkakton sulme të papritura të dhimbjes së fortë dhe ënjtjes), është gjetur se ka potencialin për të ulur ndjeshëm qëndrimin në spital midis pacientëve me Covid-19 dhe nevojën për oksigjen.
Rezultatet e hulumtimit të ri të kryer në Brazil, vijnë pasi një studim ndërkombëtar i botuar të Mërkurën zbuloi se u ulën shtrimet në spital dhe vdekjet mes pacientëve me COVID-19 me më shumë se 20%.
Ilaçi Colchicine, i cili përdoret për të trajtuar sëmundjet reumatizmale, shihet nga studiuesit si potencial për të qenë ilaçi i parë oral për të trajtuar Covid-19 në ambiente ambulatore në një provë të financuar nga qeveria e Quebec dhe filantropëve.
Prova e fundit, e financuar nga fondacionet dhe autoritetet braziliane, sugjeroi që ilaçi mund të zvogëlojë përgjigjen inflamatore të trupit dhe të ndihmojë në largimin e dëmtimit të qelizave që veshin muret e enëve të gjakut.
“Cilido qoftë mekanizmi i veprimit, kolikicina duket të jetë e dobishme për trajtimin e pacientëve të shtruar në spital me Covid-19”, thuhej në raportin mbi provën e vogël klinike, që u shfaq në revistën në internet RMD Open, e cila është botuar nga British Medical Journal.
Studiuesit shtuan se nuk ishte i lidhur me efekte anësore serioze, të tilla si dëmtimi i zemrës ose mëlçisë ose shtypja e sistemit imunitar, faktorë që ndonjëherë janë lidhur me disa ilaçe të tjera të përdorura për të trajtuar Covid.
