115 ditë protestë, qytetari: Po shohim kombin tonë duke u shkatërruar

Protesta e 115-të kundër qeverisë dhe kryeministrit Edi Rama ka nisur në sheshin “Skënderbej” në Tiranë.

Gjatë protestës, një prej pjesëmarrësve  tha se qytetarët duhet të reagojnë ndaj situatës në vend. Sipas tij, Shqipëria prej vitesh është përballur me probleme që, në vlerësimin e tij, lidhen me keqmenaxhimin, abuzimet dhe dëmtimin e interesit publik.

“Gjithë populli shqiptar duhet të ngrihet sepse po shohim kombin tonë që po shkatërrohet. Ka pasur vetëm vjedhje e shkatërrime prej dekadash në Shqipëri”, u shpreh protestuesi.

Protesta vijon në sheshin “Skënderbej”, ndërsa pjesëmarrësit kanë shprehur kundërshtimin e tyre ndaj qeverisë dhe kryeministrit Rama.