117 ditë protestë, qytetarët: Të bashkohemi për ndryshimin, deri në rrëzimin e diktatorit Rama

Këtë të enjte po mbahet protesta e 117-të radhazi kundër kryeministrit Edi Rama dhe qeverisë së tij. Protestuesit kërkojnë largimin e kryeministrit dhe të qeverisë, duke deklaruar se tubimet do të vijojnë edhe në ditët në vazhdim.

Një prej protestuesve, tha se protesta nuk do të ndalet deri në përmbushjen e plotë të kërkesave të tyre.

“Do të vijojmë protestën deri në rrëzimin e diktatorit më të madh të Ballkanit dhe Evropës! Do të protestojmë çdo ditë dhe do të mblidhemi çdo ditë e më shumë. I ftojmë studentët dhe të gjithë njerëzit që të mblidhemi sa më shumë të jetë e mundur, në mënyrë që të rrëzojmë këtë qeveri e të mund të vijojmë jetën tonë”, u shpreh ai.

Protestuesit kanë bërë thirrje për pjesëmarrje më të gjerë në tubimet e ardhshme, duke përsëritur kërkesën për ndryshimin e qeverisë.