66 ditë protestë, qytetari: Rama erdhi në pushtet me mashtrime. Rrafshoi shtëpitë, shëndetësi falas nuk ka

Një prej pjesëmarrësve në protestën e 66-të kundër kryeministrit Edi Rama u shpreh se qytetarët do të vazhdojnë të dalin në protestë deri në largimin e tij nga pushteti. Ai theksoi se fakti që kryeministri ndodhet me pushime në Dhërmi nuk e zbeh vendosmërinë e protestuesve, duke shtuar se tubimet do të vijojnë sipas planit deri në arritjen e objektivit të tyre.

”Ka ikur në Dhërmi Edi Rama duke bërë pushime. Na ngre nervat, duke bërë qesharakun, por as deti nuk e shpëton. Nuk ka pushime që e shpëtojnë. Jo 66, por edhe 166 ditë ne do të vazhdojmë derisa të ikë. Ky njeri erdhi me premtime të rreme.

Tha se edhe po të ngjallej Enver Hoxha, shtëpitë tuaja nuk do të prisheshin, por i rrafshoi. Shëndetësi falas nuk ka. Bëri luftë klasash, hoqi njerëz nga puna. Kam qenë gjashtë vjet në azil për shkak të presionit të njerëzve të Ramës. Sot ne nuk lëvizim. Derisa ta çojmë Ramën në shtëpi”, u shpreh ai gjatë protestës.