95 ditë protestë, Sidorela Vatnikaj: Rama provokoi protestuesit, do jemi në shesh çdo ditë derisa të largohet

Protestuesit vijojnë prej 95 ditësh protestat kundër kryeministrit Edi Rama, duke deklaruar se nuk do të tërhiqen pavarësisht presionit, dhunës apo represionit.

Aktivistja Sidorela Vatnikaj u shpreh se protestuesit kanë qenë paqësorë dhe se qëllimi i tyre është kërkesa për dorëheqjen e kryeministrit.

Sipas saj, Edi Rama ka provokuar protestuesit, të cilët prej javësh vijojnë të qëndrojnë në protestë për t’i përcjellë mesazhin se nuk ndihen të përfaqësuar prej tij.

“Protestuesit kanë qenë paqësorë dhe kanë qenë aty për t’i thënë kryeministrit Edi Rama se nuk na përfaqëson dhe se duhet të japë dorëheqjen. Ata do të jenë aty derisa ai të largohet”, u shpreh Vatnikaj.

Ajo theksoi se protestuesit nuk kanë ndërmend të ndalen dhe do ta vijojnë revoltën deri në përmbushjen e kërkesës së tyre për largimin e kryeministrit.