Agim Bajko, drejtori i ri i Teatrit të Kukullave

Agim Bajko do të jetë drejtori i ri i Teatrit të Kukullave. Vendimi është marrë këtë të premte nga Këshilli i Ministrave.

Propozimin për emërimin e tij në postin e drejtorit e bëri Ministria e Kulturës.

Bajko ka kontribuar për shumë vjet në teatër, televizion dhe kinematografi, i cili ka spikatur me rolet e tij të shumta. Në vitin 2012, Bajko është nderuar nga presidenti Bamir Topi me titullin “Mjeshtër i Madh”

Vendimi:

EMËRIMIN NË DETYRË TË DREJTORIT TЁ QENDRЁS KOMBЁTARE TЁ KULTURЁS PЁR FЁMIJЁ DHE TEATRIT TЁ KUKULLAVE

Në mbështetje të nenit 100 të Kushtetutës dhe të pikave 1 e 3, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave

V E N D O S I:

Agim Bajko emërohet Drejtor i Qendrёs Kombёtare tё Kulturёs pёr Fёmijё dhe Teatrit tё Kukullave.

Ky vendim hyn në fuqi menjëherë dhe botohet në “Fletoren zyrtare”.