Ahmetaj: Në 2016-n, rritje prej 3.4 për qind të PBB-së

Ministri i Financave, Arben Ahmetaj, në një konferencë për shtyp me misionin e FMN-së ka deklaruar se programi i përbashkët i ka arritur objektivat ekonomikë.

“Në 2016-n kemi pasur një rritje prej 3.4 për qind të PBB-së. Sot kemi konsolidim të qëndrueshëm fiskal”, ka deklaruar Ahmetaj.

Shefi i Financave ka theksuar se, misioni i FMN-së ka qenë një nxitës për të gjithë programin qeveritar dhe do të vazhdojë të jetë një partner i rëndësishëm për Shqipërinë.

Në të njëjtën linjë është shprehur edhe përfaqësuesja e FMN-së për Shqipërinë.

“Reformat strukturore janë në rrugë të mbarë. Mbetemi të gatshëm të mbështesim Shqipërinë edhe në të ardhmen”, ka thënë ajo.