Aktivisti Edison Lika: Kauzën do ta çojmë deri në fund, makthi i pushtetit është entuziazmi i qytetarëve!

Në protestën e 100-të para Kryeministrisë, aktivisti Edison Lika deklaroi se qytetarët janë të vendosur ta vijojnë rezistencën deri në dorëheqjen e kryeministrit Edi Rama.

“Jo vetëm është protestuar 100 ditë me radhë, por ka të njëjtin entuziazëm që ditën e parë”, u shpreh Lika.

Duke iu drejtuar protestuesve, ai kërkoi të dinte nëse janë të gatshëm të vazhdojnë edhe përtej 100 ditëve.

“A do ta rrëzojmë Edi Ramën me gjithë sistemin e korruptuar?! A ka vullnet që të jemi këtu edhe 100 ditë, po qe nevoja?”, tha ai.

Lika e cilësoi pjesëmarrjen dhe entuziazmin e protestuesve si një kërcënim për pushtetin.

“Ky entuziazëm është makthi i këtij pushteti, por i çdo pushteti”, deklaroi aktivisti.