Aktivistja Vatnikaj: Presioni dhe arbitrariteti nuk na ndalin, rasti i kërcënimit me th*kë kërkon hetim

Sot është dita e 59-të e protestës qytetare përballë Kryeministrisë. Aktivistja Sidorela Vatnikaj dënoi edhe një herë arrestimet e së hënës në protestën para Parlamentit. Ajo tha se as arbitrariteti dhe as kërcënimet nuk i frikësojnë dhe do të vijojnë pasi klasa politike nuk përfaqëson shqiptarët.

”Qytetarët protestojnë prej gati 2 muajsh radhazi. Mbledhja te Parlamenti është akt simbolik kundërshtimii ndaj një isntitucioni që nuk prfaqëson më interest e qytetarvë dhe klasa politike ka zgjedhur të mos dëgjojë më shqiptarët.

Që në momentin e mbërritjes sonë u përballëm me një prani policore joproporcionale, dhjetëra policë më shkopinj gome, autobote ishin vendosur përballë që nuk justifikohen nga numri dhe sjellja e protestuesve.  Disa u goditën me spraj me piper, kjo cenon parimin e proporcionalitetit.

Një numër civilësh vepronin të paverifikuar, ngjarja më e rëndë është kërcënimi me thikë. Kjo ngjarje kërkon hetim të menjëhershëm pasi përbën kërcënim dhe tregon sesi menaxhohen protestat. Protesta është instrument demokratik dhe as arbitrariteti e as intimidimi nuk na frikësojnë”, tha ajo.