”Akuza që u ngrit Gjykata Speciale nuk ekziston”, gazetarja: Askush se ka gjetur Shtëpinë e Verdhë

Gazetarja Esmeralda Mulaj, thotë se akuza mbi të cilën u ngrit Gjykata Speciale, bazohej në pretendimet e ish-eurodeputetit neutral Dick Marty mbi “Shtëpinë e Verdhë”, një objekt ku sipas tij UÇK kryente trafikun e organeve, por që nuk u gjet kurrë në territorin e veriut të Shqipërisë. Mulaj sqaroi se fakti që Shtëpia e Verdhë nuk ekziston automatikisht e rrëzon akuzën dhe e bën të padrejtë gjykimin e Hashim Thaçit dhe krerëve të tjerë të Ushtrisë Çlirimtare të Kosovës në Dhomat e Specializuara në Hagë.

”Sot dëgjojmë gjithfarë lloj argumentesh, nëse nuk e ngre Kosova këto Dhomat e Specializuara, do t’i bënte OKB-ja dhe pastaj hajde merru me gjyqtarë kinezë, rusë, çfarë mban Këshilli i Sigurimit brenda dhe do dilte jashtë juridiksionit të Kosovës. Nuk mund ta kontrollonte se Kosova sot me një mbledhje parlamenti edhe e zhbën atë gjykatë.

E ka autoritetin për ta bërë këtë gjë, por nuk e bën edhe nuk e ka bërë gjatë gjithë kësaj kohe se tani s’ka as Parlament. Por e gjithë ajo aktakuza e Dick Marti-t në atë raportin e Këshillit të Europës për Shtëpinë e Verdhë, trafik organesh u hetua nga Tribunali i Hagës, u hetua nga Williamson, Clint Williamson nuk gjetën asgjë dhe sot në aktakuzën ndaj krerëve të UÇK-së nuk ekziston.

Pra e gjithë ajo akuzë mbi të cilën u ngrit gjithë kjo gjykatë sot as nuk është fare. Pse mora si shembull pikërisht këtë për të kuptuar se cila është akuza, vazhdimi i akuzës. Pra, një gjë që ngrihet mbi gënjeshtër sigurisht që është e destinuar që të shkojë po ashtu në një gënjeshtër se më kujtohet ajo shprehja e latinëve: “Asgjë nuk vjen prej asgjës”. Pra këta kanë ngritur një asgjë dhe tani kanë çuar ca njerëz atje për me baltos”, tha Mulaj në A2 CNN.