Dy raste të reja me koronavirus janë shënuar së fundmi në Lezhë. Bëhet fjalë për dy nënkryetarët e bashkisë së qytetit, të cilët janë konfirmuar pozitivë me Covid-19.
Mësohet se ata janë vetëizoluar në shtëpi dhe fatmirësisht janë në gjendje të mirë shëndetësore.
Ndërkohë Bashkia e Lezhës vijon punën normalisht edhe pas konfirmimit të rasteve. Ende nuk dihet nëse i gjithë stafi i Bashkisë e ka bërë testin.
Kujtojmë se edhe kryebashkiaku i Mirditës, Ndrec Deda është infektuar me Covid-19.