Ambasadori gjerman: Dhuna në protesta, jo në përputhje me vlerat e BE-së

Ambasadori i Gjermanisë në Shqipëri, Karl Bergner mori pjesë sot në ceremoninë e përkujtimit të 83-vjetorit të masakrës së Borovës.

Në një prononcim për gazetarët, Bergner tha se “ky është një moment i dhimbshëm pasi masakra u bë nga ushtria gjermane”.

Bergner u pyet nga gazetarët edhe në lidhje me protestat që prej 36 ditësh po mbahen në Tiranë, ndërsa tha se çdo aktivitet i shoqërisë civile që është në përputhje me BE-në është i mirëpritur.

“Protestat e dhunshme nuk janë në përputhje me BE, kush duhet fajësuar për këtë është ende në diskutim. Protestat janë të mirëpritura sepse mbështesin vlerat e BE-së, siç e shohim ne”, tha ambasadori Bergner.