Shtetet e Bashkuara e konsiderojnë Shqipërinë një partner të rëndësishëm në fushën e mbrojtjes dhe sigurisë. Gjatë një takimi me Ministrin e Mbrojtjes, Ermal Nufi, ambasadori amerikan, Eric Wendt diskutoi forcimin e bashkëpunimit dypalësh dhe kontributin e Shqipërisë në sigurinë euroatlantike.
Në qendër të bisedimeve ishte forcimi i gatishmërisë operacionale përmes partneritetit 25-vjeçar mes Shqipërisë dhe Gardës Kombëtare të Nju Xhersit. Ky bashkëpunim është pjesë e përpjekjeve për rritjen e kapaciteteve mbrojtëse dhe ndërveprueshmërisë mes dy vendeve. Sipas ambasadorit Wendt, forca e aleancës SHBA-Shqipëri dëshmohet përmes veprimeve konkrete, përfshirë mbështetjen për rritjen e kapaciteteve të NATO-s dhe kontributin shqiptar në misionet ndërkombëtare të sigurisë.
Një tjetër çështje e diskutuar ishte angazhimi i Shqipërisë në Forcën Ndërkombëtare të Stabilizimit për Gazën (ISF), si pjesë e kontributit të vendit në përpjekjet ndërkombëtare për sigurinë dhe stabilitetin.
Postimi i plotë
Më të fortë së bashku! Shtetet e Bashkuara janë krenare që janë partneri kryesor i Shqipërisë në fushën e mbrojtjes.
Gjatë takimit me Ministrin e Mbrojtjes Ermal Nufi, Ambasadori Eric Wendt diskutoi se si forca e aleancës sonë dëshmohet me veprime konkrete: forcimin e gatishmërisë operacionale përmes partneritetit 25-vjeçar me Gardën Kombëtare të Nju Xhersit, rritjen e kapaciteteve të NATO-s dhe mbrojtjen e sigurisë globale përmes kontributit jetik të Shqipërisë në Forcën Ndërkombëtare të Stabilizimit për Gazën (ISF).