Arlind Qori në ”Koha Jonë-Debat”: Lapaj dhe Shehu s’janë opozitarë!

Kreu i ”Lëvizjes Bashkë”, Arlind Qori i ftuar në ”Koha Jonë-Debat”, përballë Nikoll Lesit diskutoi mbi mundësinë e bashkëpunimeve mes forcave opozitare. I pyetur nëse do të ketë bashkëpunim me Adriatik Lapaj dhe Agron Shehaj, ai u shpreh se për të dhe për ”Lëvizja Bashkë” ekziston vetëm një bashkëpunim i mundshëm: me qytetarët. ”Me popullin, pazaret e kryetarëve janë të dala mode”,-tha Qori, duke theksuar se nuk sheh hapësirë për marrëveshje politike me figura të tjera opozitare.

Lesi: Nuk do të ketë bashkëpunim me Lapajn dhe Shehajn?

Qori: Për mua dhe për Lëvizjen Bashkë ka vullnet vetëm për një bashkëpunim, me popullin. Me popullin, pazaret e kryetarëve janë të dalë goja.

Lesi: Kjo me duket si fjalori dikur, si para viteve ’90, që thoshte me popullin për popullin dhe klasa punëtore…

Qori: Unë nuk po i shpall armiq ata.

Lesi: Pyetja e secilit prej tyre mbetet se duam t’i shohim të tre bashkë në një front të madh kundër dyshes Rama dhe Berisha dhe kështu i votojmë. Mund të merrni 20%, …. Më vjen keq se ata në studio janë treguar shumë luajal me lëvizjen tënde dhe me emrin tënd. Janë treguar shumë korrekt.

Qori: Po unë s’po i shaj mo zotëri, thjesht them që s’kemi gjëra të përbashkëta.

Lesi: Ju thatë se s’kemi gjëra, që nuk janë opozitarë se kështu, ju jeni opozitar kurse ata s’janë opozitarë. Kjo nuk ka sens..

Qori: Nuk janë, se nuk kanë konsekuencën dhe forcën po themi morale dhe argumentuese të Lëvizjes Bashkë.