Arlind Qori në ”Koha Jonë-Debat”: Protesta ka kërkesa politike, zgjedhje të parakohshme!

Në emisionin ”Koha Jonë-Debat”, kreu i Lëvizjes Bashkë, Arlind Qori, diskutoi me Nikoll Lesin mbi protestat kundër projektit në Zvërnec dhe zhvillimet politike në vend. Qori deklaroi se kryeministri Edi Rama “nëse ka ende një minimum përgjegjësie” duhet të përballet me qytetarët duke shkuar në zgjedhje të parakohshme, duke dhënë dorëheqjen dhe duke testuar legjitimitetin në votë. Debati u përqendrua te fuqia e protestave dhe ndikimi në politikë. Lesi ngriti pikëpyetje mbi efektivitetin e protestave përballë numrit të votave të qeverisë, duke sugjeruar se mazhoranca aktuale ka një bazë të fortë elektorale.

Qori: Rama ka për detyrë, nëqoftëse ka ende një minimum përgjegjësie, që ti përgjigjet popullit duke shkuar në zgjedhje. Të japë dorëheqjen dhe të shkojë në zgjedhje të parakoshme.

Lesi: Si do ta rrëzosh Edi Ramën me këtë protestë që thua ka dhjetra mijëra vetë apo jo? Prapë se prapë Edi Rama ka 800 e sa mijë vota dhe se mund të dali tashi Rama me qindra mijë në shesh.

Qori: Po ja që nuk i nxjerr dot. Pra dhe le ta bëj provë Rama. Le ta bëj provë. Le ta bëj provë.

Lesi: Të bësh miting-antiming, kjo nuk shkon.

Qori: Le të bëj.

Lesi: Ai thotë shkojmë te kutia e votimit. Shkojmë te kutia e votimit.

Qori: Hajde pra shkojmë te kutia e votimit. Në një politikë normale kur të dalin dhjetra mijëra vetë në shesh dhe të dalë në mënyrë spontane. Ndaj ne duam zgjedhje politike…