Atentati në Shkodër, arrestohet një person

Policia ka arrestuar një person lidhur me ngjarjen e rëndë që tronditi qytetin e Shkodrës mëngjesin e sotëm, ku si pasojë e të shtënave me armë zjarri humbi jetën shtetasi A. Pali dhe mbeti i plagosur E.Vaso.

Nuk dihet nëse personi i arrestuar është autori i ngjarjes apo ndonjë bashkëpunëtor, por ai u kap nga policia në tentativë për të ikur në zonën periferike të njohur si “shinat e trenit” në Shkodër.

Ngjarja ndodhi pranë shkollës “Kole Idromeno”, në një zonë të banuar dhe të frekuentuar nga qytetarët, duke shkaktuar panik të madh.

Ende nuk janë bërë të ditura detaje mbi motivet e sulmit, ndërsa hetimet po vijojnë për të zbardhur plotësisht rrethanat e ngjarjes dhe për të kuptuar nëse ka persona të tjerë të përfshirë.

1 i vdekur dhe 3 të plagosur është bilanci i kësaj ngjarjeje të rëndë. Të plagosurit janë një kamariere, një djalë i ri shoqërues i E. Vasos dhe ky i fundit.

Ndërsa viktimë ka mbetur A. Pali, ish-këshilltar bashkiak në Shkodër.