Avokati i Popullit, Shabani takon ambasadoren e Kanadasë: Forcim i institucioneve të pavarura në Shqipëri

Avokati i Popullit, Endrit Shabani, priti këtë të premte në një takim zyrtar Ambasadoren e Kanadasë në Shqipëri (jo-rezidente), Elissa Golberg.

Bashkëbiseduesit ndanë vlerësime mbi rëndësinë e bashkëpunimit dypalësh dhe forcimin e institucioneve të pavarura në Shqipëri.

Shabani e njohu Ambasadoren Golberg me prioritetet aktuale të institucionit të Avokatit të Popullit, duke vënë theksin te mbrojtja e të drejtave të njeriut, rritja e transparencës publike dhe llogaridhënia institucionale.

Ambasadorja Golberg vlerësoi vizionin e Avokatit të ri të Popullit dhe shprehu gatishmëri për të mbështetur realizimin e platformës së Shabanit. Palët shprehën vullnetin e plotë për të thelluar komunikimin dhe për të eksploruar projekte të përbashkëta në interes të forcimit të standardeve demokratike.