Avokati vjedh llogarinë bankare të klientit, arrestohet!

Specialistët e Sektorit për Hetimin e Krimit Ekonomik dhe Financiar në Korçë kanë referuar materialet në Prokurori ndaj Arben Lena, 56 vjeç, me profesion avokat, i cili ndodhet aktualisht në masën e sigurisë “Arrest në burg”.

Sipas hetimeve paraprake, Lena dyshohet se gjatë periudhës 2020-2022 ka përvetësuar shuma të konsiderueshme parash nga llogaria bankare e një shtetasi 70-vjeçar, i cili ndodhet aktualisht në Institucionin e Ekzekutimit të Vendimeve Penale në Shënkoll.

Njoftimi i policisë:

Specialistët e Sektorit për Hetimin e Krimit Ekonomik dhe Financiar referuan materialet në Prokurori, për shtetasin Arben Lena, 56 vjeç, me profesion avokat, aktualisht me masë sigurie “Arrest në burg”, pasi dyshohet se gjatë periudhës 2020-2022, ka tërhequr shuma parash nga llogaria bankare e një 70-vjeçari (aktualisht në IEVP Shënkoll), duke përdorur prokurën që ia ka marrë duke shfrytëzuar besimin dhe gjendjen shëndetësore të tij.