Presidenti i Republikës, Bajram Begaj, ndodhet për një vizitë zyrtare në Uzbekistan me ftesë të homologut të tij Shavkat Mirziyoyev.
Begaj gjatë kësaj vizite do të marrë pjesë edhe në Forumin Ndërkombëtar të Investimeve 2026, një ngjarje e rëndësishme ndërkombëtare që synon të forcojë investimet dhe bashkëpunimin ekonomik ndërkombëtar.
Kreu i Shtetit u prit në Tashkent me një ceremoni zyrtare nga Presidenti i Republikës së Uzbekistanit, Shavkat Mirziyoyev.
“Faleminderit President Mirziyoyev për mikpritjen shumë të ngrohtë!
Sot në Tashkent në vizitën e parë të Presidentit të Shqipërisë në Uzbekistan që nga vendosja e marredhenive diplomatike.
U angazhuam me Presidentin Shavkat Mirziyoyev për fillimin e një kapitulli të ri dhe premtues në marrëdhëniet midis dy vendeve.
Shprehëm vullnet të qartë politik për bashkëpunim të qëndrueshëm, të frytshëm dhe të dobishëm”, shprehet Begaj.
Presidenti vlerësoi rëndësinë e një lidhjeje ajrore të drejtpërdrejtë ndërmjet dy vendeve.
Ndërsa nga pala uzbeke u premtua hapja e ambasadës së tyre në Tiranë.
