Balla: Ndërhyrje të huaja në protestë…

Kryetari i grupit të socialistëve, Taulant Balla, pas mbledhjes deklaroi se në protesta e qytetarëve filloi për investimin në Zvërnec, por kauza e saj ndryshoi rrugës. Balla shtoi para gazetarëve se nuk do të pranojnë një kërkesë të demokratëve për debat me mocion, lidhur me protestën.

“Kam informuar grupin parlamentar për qëndrimin që do mbajmë. Sa i përket një kërkese për mocion me debat, disa kërkesa nga grupi parlamentar i PD, të lexuar nga protesta, as nuk e njoh, as nuk e pranoj partinë e Saliut si ndërmjetës mes nesh. Respektoj ato që dolën në protestë për çështje që lidheshin me norma mjedisore, një investim që do bëhet domosdoshmërisht, e kam thënë. Brenda kësaj proteste janë përfshirë elementë, duket qartë që janë interesa që lidheshin me konkurrenca rajonale turistike. Dita ditës, kjo histori po zbardhet”, theksoi ai.

I pyetur në lidhje me një qëndrim për largimin nga partia të Marjana Koçekut, Balla tha se kjo e fundit duhet të dorëzojë mandatin që e ka marrë nga PS

“Të dorëzojë mandatin që e ka marrë nga PS, dhe kur të votohet drejtpërsëdrejti ka të drejtë të përdorë mandatin”, u shpreh ai.