Balla sfidon opozitën: Kërkoni mocion mosbesimi për qeverinë, por a e sillni dot Berishën si kandidat për kryeministër?

Kreu i grupit të PS, Taulant Balla i bëri thirrje opozitës që të kërkojnë mocion mosbesimi, pas mbledhjes së Konferencës së Kryetarëve ku nuk u arrit dakordësia për debat për kërkesat e protestuesve. Balla i tha se opozitës të mbledhë 28 firma për mocionin e mosbesimit për qeverinë, por i pyeti nëse e sjellin dot Sali Berishën si kandidat për kryeministër.

“Jam serioz për ata që janë në shesh. Tha në emër të protestuesve, partia e Berishës kërkoi dorëheqjen e qeverisë. Mblidhni 28 deputetë, sillni kërkesën për mocion mosbesimi. Me ndryshimet kushtetuese të vitit 2008, duhet të sjellësh edhe kandidatin për kryeministër, e sillni dot Saliun si kandidat për kryeministër?”, tha Balla.