Bashkohet tregu energjetik Shqipëri-Kosovë

Ministri kosovar i Zhvillimit Ekonomik, Blerand Stavileci dhe homologu i tij shqiptar, ministri i Energjisë dhe Industrisë, Damian Gjiknuri, do të nënshkruajnë nesër Deklaratën e përbashkët që rrjedh nga takimi i fundit i Komitetit Drejtues për krijimin e tregut të përbashkët të energjisë elektrike, Kosovë-Shqipëri.

Kështu, në një komunikatë për media të Ministrisë së Zhvillimit Ekonomik në Kosovë thuhet se nënshkrimi i deklaratës bëhet nesër (e mërkurë, 30 mars 2016) pranë Ministrisë së Energjetikës dhe Industrisë në Tiranë.

Deklarata e përbashkët është rezultat i punës së Komitetit Drejtues, ku diskutohen zhvillimet e fundit në kuadër të krijimit të tregut të përbashkët të energjisë.