Beci ndan pamjet: Punohet edhe në fundjavë për transformimin e hyrjes së Shkodrës

Kreu i Bashkisë së Shkodrës, Benet Beci ka ndarë pamje nga transformimi i hyrjes së Shkodrës, ku thekson se puna vijon edhe në fundjavë. ”Këto janë pamjet sot nga kantieri i punës në hyrjen e qytetit, në lotin e dytë të investimit që po ndryshon tërësisht pamjen e zonës”,-shkruan Beci.

Postimi i plotë

Punohet pa u ndalur, edhe në fundjavë, për transformimin e hyrjes së Shkodrës! Këto janë pamjet sot nga kantieri i punës në hyrjen e qytetit, në lotin e dytë të investimit që po ndryshon tërësisht pamjen e zonës.

Projekti përfshin ndërtimin e rrugëve moderne, trotuareve dhe shtigjeve të biçikletave, parkun e ri urban, ndriçim bashkëkohor dhe më shumë gjelbërim , duke i dhënë Shkodrës një hyrje dinjitoze, funksionale dhe plot jetë, një mirëseardhje europiane për qytetarët dhe vizitorët.