Berisha: Jemi në kilometrin e fundit, me ndihmën e Zotit asgjë nuk s’do të na ndalë

Kryetari i Partisë Demokratike, Sali Berisha, deklaroi se opozita është më pranë se kurrë fitores kundër qeverisë së kryeministrit Edi Rama. Gjatë fjalës së tij para protestuesve në sheshin para Kryeministrisë, Berisha e cilësoi këtë moment si “kilometrin e fundit” të betejës së opozitës.

“Sot ne jemi në kilometrin e fundit. Me ndihmën e Zotit asgjë nuk do të na ndalë drejt fitores. Sot jemi para triumfit të madh,” u shpreh Berisha, duke theksuar vendosmërinë e opozitës për të arritur qëllimin e saj politik.

Kreu i PD-së vuri në dukje edhe masivitetin e tubimit, duke thënë se protestuesit janë mbledhur në një protestë “madhështore” dhe se kërkesat e opozitës janë më të forta se kurrë. “Sot jemi më të vendosur se kurrë në kërkesën tonë. Sot jemi mbledhur masivisht në këtë protestë madhështore,” shtoi ai.