Berisha konfirmon Bardhin si kreun e grupit: Punoi me dinjitet

Gazment Bardhi do të vijojë që të jetë kreu i grupit parlamentar të PD-së. Këtë e konfirmoi këtë të martë vetë kreu i PD-së, Sali Berisha në një konferencë për mediat.

”Riorganizimi do të jetë në vazhdim, PD do i ketë në vazhdim proceset. I përcakton grupi dhe strukturat. Unë nuk prononcohem, por kam vlerësim pozitiv për detyrën që ai ka kryer si kryetar grupi. Por ne funksionet i bëjmë në mënyrë demokratike dhe ka rregulla aty, do jetë grupi që do e përcaktojë dhe vendosë. Unë e respektoj detyrën që ai ka kryer”, u shpreh kreu i PD.

Në ndarjen e re në parlament, Berisha do t’i japë hua deputetë Partisë së Lirisë dhe Fatmir Mediut në mënyrë që ata të formojnë grupe parlamentare. Kreu i PD-së këtë nuk e quan një favor, por detyrim ndaj aleatëve që u bashkuan në koalicion.

”Koalicioni është bërë mbi bazën e rekordeve elektorale. Nuk di teknikë tjetër më të ndershme e të drejtë se rekordi elektoral. Nuk di ndonjë tjetër, përdndryshe mos bëj koalicione”.