Berisha: Opozita ka marrë mbështetjen më të fuqishme ndërkombëtare, 8 rezoluta zbërthejnë diktaturën e Ramës

Sali Berisha thotë se zëri opozitar ka marrë mbështetjen më të fuqishme ndërkombëtare. Duke folur në mbledhjen e Kryesisë së PD, mbajtur në selinë blu, Berisha tha se 8 rezolutat e miratuara nga ndërkombëtarët, zbërthejnë diktaturën e kryeministrit Edi Rama në Shqipëri. ”Narkoshtetin e parë dhe të vetëm në Europë, farsat zgjedhore, terrorin politik, arrestimet politiket dhe bashkëpunimet në të gjitha nivelet, në nivelet më të larta të pushtetit duke nënkuptuar Edi Ramën, Niko Peleshin me organizatat më të rrezikshme të krimit të organizuar”,-u shpreh Berisha gjatë fjalës në mbledhjen e Kryesisë.