Kryetari i Partisë Demokratike, Sali Berisha, ka reaguar pas protestës së zhvilluar nga shqiptarë të diasporës në Bruksel ndaj kryeministrit Edi Rama.
Berisha ka publikuar pamje nga protesta dhe ka shkruar në rrjetet sociale: “Kudo që shkon e përçmojnë. Diaspora e pret me protestë Edi Ramën në Bruksel! Iu lumtë!”.
Protesta u zhvillua në Bruksel, në një kohë kur Rama ndodhej atje për angazhime lidhur me procesin e integrimit europian të Shqipërisë.
Pjesëmarrësit mbanin pankarta dhe kërkuan largimin e kryeministrit, ndërsa organizatorët e paraqitën tubimin si një shprehje pakënaqësie të diasporës ndaj qeverisë.
