Berisha thirrje Ramës: Anulo antimitingun në Vlorë

Kryetari i PD-së, Sali Berisha i bëri thirrje maxhorancës të anulojë një aktivitet të paralajmëruar për ta mbajtur nesër në Vlorë.

Beisha tha ditën e sotme në Kuvend se ky aktivitet i PS është antimiting për protestat e zhvilluara në Tiranë.

Lideri i PD tha se punonjësve të administratës në Jug të vendit u ka shkuar një mesazh për të marrë pjesë nesër në takim me kryeministrin.

“Denoncoj me forcën më të madhe vendimin e kreut të Meduzës, kreut të organizatës kriminale për të organizuar nesër në Vlorë anti-mitungun e turpshëm të historisë. Ju paralajmëroj se antimitingjet tuaja nuk do të tolerohen, do të marrin atë përgjigje që do të mjeroheni me të. A ka akt më të turpshëm të marrësh nënpunësit dhe të dalësh në anti-miting ndaj protestës qytetare. A ka akt më përçarës? Hiqni dorë, anulojeni. Keni dërguar mesazh te të gjithë punonjësit e të gjithë Jugut, njësoj si Ramiz Alia që donte të shpallte Republikën e Vlorës me vullnetarët e Enverit. Tani janë vullnetarët e Edit”, tha Berisha.