Bllokimi i punimeve në aeroportin e Vlorës, ministri Karakaçi jep ultimatum dhe 30 ditë afat

Ministria e Infrastrukturës dhe Energjisë ka reaguar në lidhje me mosmarrëveshjet mes kompanive “2A Group” dhe “Mabco” që kanë marrë përsipër Aeroportin e Vlorës, por aktualisht kanë ndalur punimet për shkak se çështja ka shkuar në gjykatë.

Përmes një shkrese zyrtare të drejtuar kompanive nga ana e ministrit Enea Karakaçi, kompanive u është lënë 30 ditë për të gjetur një zgjidhje që do të çojë në vijimin e punimeve me qëllim mbylljen brenda afateve.

Në rast se situata nuk zgjidhet brenda këtij afati, atëherë ministria bën me dije se do të veprojë me penalitetet që parashikon kontrata dhe legjislacioni në fuqi.