Reshjet e dendura të shiut kanë sjellë përmbytje në të gjithë segmentet rrugore të Durrësit.
Si pasojë e kësaj situate mësimi në shkolla dhe Universitetin e Durrësit është pezulluar.
Sipas Zyrës Vendore të Arsimit Durrës, prindërit dhe mësuesit janë njoftuar që të shmangin lëvizjet deri në qetësimin e situatës.
ZVA Durrës bën me dije se vendimi është marrë për të garantuar sigurinë e nxënësve dhe stafit mësimor, ndërsa situata po monitorohet në vijimësi dhe mësimi do të rifillojë sapo kushtet të normalizohen.