Pas përfundimit të fjalimeve përpara kryeministrisë, qytetarët në ditën e 64 të protestës kanë një mesazh të shkruar me shkronja të mëdha përpara godinës së Kryeministrisë.
Protestuesit shkruan frazën “Boulevard of Hope” (Bulevardi i Shpresës), duke e shoqëruar atë me thirrje për ndryshim politik dhe dorëheqjen e kryeministrit Edi Rama.
Pas këtij mesazhi qytetarët e shumtë në numër nisën marshimin në rrugë të ndryshme të Tiranës.
Përgjatë gjithë rrugëtimit, protestuesit kanë vijuar me korin e thirrjeve të drejtpërdrejta dhe mjaft të ashpra politike, ku përveç kërkesës për dorëheqjen e menjëhershme të kreut të ekzekutivit, kanë kërkuar edhe llogariadhënie para drejtësisë për të gjithë klasën e vjetër politike.
