Bylykbashi para Kryeministrisë: Themelet e shtetit po bien, ditët e Ramës janë të shkurtra

Nënkryetari i PD-së, Oerd Bylykbashi i pranishëm në foltoren para Kryeministrisë u bëri apel shqiptarëve që të ngrihen për të rrëzuar këtë qeveri. Ai tha se themelet e shtetit po bien, dhe se ditët e kryeministrit Edi Rama janë të shkurtra.

”Ajo që po ndodh, po trondit themelet e funksionimit të shoqërisë dhe të shtetit. Kjo klikë e Ramës çdo gjë e ka bazuar në kombinimin e korrupsionit e krimit të organizuar përdorimin e shtetit për t’i vjedhur votën shqiptarëve. Është ajo që prodhoi 11 majin. Sot kjo qeverisje po e tregon në sytë e gjithë botës sesi i grabit shqiptarët.

Tumori i korrupsionit të Ramës nuk ka nevojë as për skaner, as për radiografi e biopsi e shohin të gjithë si kalbëzon kjo qeverisje. Po i grabisin ditën për diell duke i parë në sy shqiptarët. Qindra milionë të inceneratorit të Tiranës, Elbasanit e Fierit. Ta ndezim revoltën e shqiptarëve për këtë që nuk është vjedhje, por po bien themelet e shtetit një e nga një”.