Deputetja e Partisë së Lirisë, Erisa Xhixho reagon kundër Komisionit parlamentar të Ekonomisë që sipas saj rrëzoi projektligjin e Partisë së Lirisë për uljen e çmimit të naftës. Ajo pretendon se Shqipëria renditet e 9-ta në botë për çmimin më të lartë të naftës, 60% e të cilit përbëhet nga taksat.
Xhixho tha se rrëzimi me forcën e kartonit të këtij projektligji nuk ishte surprizë, sepse sipas saj, ndërkohë, që çmimet e produkteve të shportës janë rritur me rreth 50%, qeveria Rama nuk ka marrë asnjë masë për të mbështetur qytetarë.
”Asgjë surprizë edhe në Komisionin e Ekonomisë. Rrëzuan me forcën e kartonit projektligjin e partisë së lirisë për uljen e çmimit të naftës. Sot renditemi të 9-tët në botë për çmimin më të lartë të naftës, ndërsa mbi 60% e këtij çmimi përbëhet nga taksat. Ndërkohë, çmimet e produkteve të shportës janë rritur me rreth 50%, dhe kjo qeveri nuk merr asnjë masë për të mbështetur qytetarë”.
