Debatet në çift ju shëndoshin

Studiuesit vazhdojnë të theksojnë se stresi çon në obezitet.

Sipas një studimi të kohëve të fundit, debatet që bëhen në çift ndikojnë në shtimin e peshës. Kjo është vërtetuar edhe nga disa studiues, të cilët kanë studiuar çifte që kishin tre vjet të martuar.

Sipas një studimi të Universitetit të Ohajos, debatet e tensionuara në jetën bashkëshortore mund të çojnë në shtimin në peshë. Është vënë re se burrat dhe gratë që debatonin shumë me njëri-tjetrin digjnin më pak kalori pas ngrënies sesa çiftet që nuk debatonin.

Pakësimi i djegies së kalorive çonte në një shtim peshe prej 6 kg. Jo vetëm kaq, por këto çifte kishin edhe një nivel më të lartë insuline, e cila ndikon në grumbullimin e yndyrave dhe triglicerideve.

Jan Kiecold-Glaser, që u mor me studimin, ka thënë: “Rezultati tregon se stresi çon në obezitet.” Në studim u përfshinë 43 çifte nga mosha 24-61-vjeçare, të cilët kishin tre vjet të martuar.