Delegacioni i BE uron Ramën dhe qeverinë e re: Shqipëria mund të mbyllë negociatat në 2027 nëse…

Delegacioni i Bashkimit Europian në Tiranë ka uruar kryeministrin Edi Rama dhe qeverinë e re pas marrjes zyrtarisht të detyrës.

Në një reagim në rrjetet sociale, zyra e BE-së shprehet se Shqipëria mund të arrijë objektivin ambicioz, për përmbylljen e negociatave deri në vitin 2027 nëse zbatohen reformat.

“Urime Kryeministrit Edi Rama dhe të gjithë ministrave për marrjen e detyrës. Me një përpjekje të qëndrueshme për të miratuar dhe zbatuar reformat e nevojshme përmes proceseve transparente dhe gjithëpërfshirëse, Shqipëria mund të arrijë objektivin ambicioz për të mbyllur negociatat e anëtarësimit në BE deri në fund të vitit 2027. Ne pritje për të punuar me të gjithë aktorët shqiptarë për të arritur këtë moment historik, në të mirë të qytetarëve shqiptarë”, thuhet në reagim.