Përplasjet dhe tensionet në seancën plenare të kësaj të enjteje në Kuvend kanë sjellë reagimin e deputetit të Partisë Socialiste, Erion Braçe. Përmes një mesazhi të fortë, Braçe e lidh dhunën me një model politik që përsëritet prej 36 vitesh. “Është e njëjta histori. Është e njëjta PARTI. Është i njëjti njeri. 36 VITE, NJËSOJ”, shkruan deputeti socialist. Braçe thekson se personat që ushtrojnë dhunë ndaj institucioneve dhe punonjësve të shtetit nuk duhen barazuar me studentët dhe nxënësit që marrin pjesë në protesta.
Postimi i plotë
MASKAT U HOQËN!
PA VERIFIKIM BIOMETRIK.
PA INTELIGJENCË ARTIFICIALE.
THJESHTË DUKE HAPUR SYTË!
JANË KËTA!
Është e njëjta histori. Është e njëjta PARTI. Është i njëjti njeri.
36 VITE, NJËSOJ.
Pra, tani është e qartë, nuk janë studentë, nuk janë nxënës; afermendsh ka midis tyre dhe të tillë; por ata që ushtrojnë dhunë-godasin institucione të Republikës e shërbyes të shtetit, ata që shkatërrojnë, plaçkisin e djegin, nuk janë as studentët e as nxënësit; JANË KËTA! KY MODEL!
DHUNA KA HISTORINË E SAJ, KA PARTINË E SAJ, KA IDEOLOGUN E SAJ!
Shikoni; NE PO NA KUNDËRSHTOJNË! Nuk i hy fare në janë shumë apo pak; kanë të drejtën e tyre; POR KËTA NË VIDEO NUK I DO KUSH, FARE FARE-prej dhunës në 36 vite.
Ky është dallimi dhe kjo është diferenca; Një bazë nga ne duhet të rinisemi për t’i shërbyer njerëzve, studentëve, nxënësve, të rinjve, punëtorëve, profesionistëve të rinj, shtresës së mesme, nevojtarëve; duke bërë më të mirën që ndryshon jetën e tyre!