Deputeti Ndocaj te bunkeri për pizza, thotë se “kishin mbaruar”! (Foto)

Deputeti më i ri i Kuvendit të Shqipërisë, Eduart Ndocaj, ka vizituar bunkerin një ditë pasi atij i është vënë zjarri nga protestuesit e opozitës dhe ka reaguar ironikisht ndaj këtij akti në profilin e tij Facebook. Ai tha se shkoi të vizitonte bunkerin për të ngrënë pizza, por ato kishin mbaruar që dje.       

Statusi i plotë i deputetit Eduart Ndocaj:

Pas një dite të lodhshme dhe urisë menduam të kalonim e të hanim këtu një pizza me furri druri, por zjarri dhe pizzat kishin mbaruar.

Fluksi i madh i djeshëm dhe uria e madhe për pushtet bënë që pizzat të mbaronin që dje.

Nuk është bunkieri simbol i regjimit.

Ky është një manipulim i mendjeve të shqiptarëve për të fshehur të këqijat e mëdha që pati ai sistem me luftën e klasave, me burgosjet, ekzekutimet dhe me prishjen e objekteve të kulteve fetare.

Këto janë simbolet e Regjimit.

Simbole të regjimit janë edhe tentativat për të marrë pushtetin me dhunë e për ta mbajtur me dhunë e deri me gjakderdhje.

Fortikimet ose bunkieret i kanë gjithë bota, Zvicra është plot me bunkerë e ndoshta me numrin më të madh të bunkerëve e ka SHBA që në vitet '60 për politikën kundër Luftës së Ftohtë çdo familje amerikane kishte dhe duhet të kishte një strehim të nëndheshëm.