Aksioni për pastrimin e vijës bregdetare në zonën e Kavajës ka vijuar edhe sot, në kuadër të nismës “Operacioni Pastrimi: Kavajë-Rrogozhinë 2026”. Në këtë aktivitet u angazhuan përfaqësues të institucioneve vendore dhe nxënës të shkollave, duke synuar përmirësimin e kushteve mjedisore përgjatë bregdetit.
Sipas Prefektit të Qarkut Tiranë, Shkëlqim Hajdari, aksioni u zhvillua në zonën e Golem, me pjesëmarrjen e administratës së Prefektura e Qarkut Tiranë, përfaqësuesve të Bashkia Kavajë, si dhe nxënësve të shkollave të Kavajë.
Ky aksion është pjesë e një angazhimi të përbashkët për mbrojtjen e mjedisit dhe garantimin e një bregdeti të pastër dhe të sigurt për qytetarët dhe turistët. Autoritetet theksojnë se ruajtja e pastërtisë nuk është vetëm detyrë institucionale, por edhe përgjegjësi e çdo qytetari.
Postimi i plotë
Sot aksioni vazhdon në bregdetin e Bashkisë Kavajë! Në vijim të zbatimit të urdhrit për strukturën operacionale “Operacioni Pastrimi: Kavajë-Rrogozhinë 2026”, sot ishim në Golem, së bashku me Marinela Prifti, zv/ministre në Ministrinë e Turizmit, Kulturës dhe Sportit, Xheni Beqaj, drejtor i përgjithshme i AKB-së, administratën e Prefekturës së Qarkut Tiranë, administratën e Bashkisë Kavajë, si dhe nxënësit e shkollave të Kavajës, për të vijuar aksionin e pastrimit përgjatë vijës bregdetare.
Ky është një angazhim i përbashkët për të mbrojtur mjedisin tonë dhe për të garantuar një bregdet të pastër dhe të sigurt për të gjithë qytetarët dhe turistët. Duhet të jetë përgjegjësi e çdo qytetari të kontribuojë në ruajtjen e pastërtisë së plazheve, duke shmangur ndotjen dhe duke respektuar natyrën.
Vetëm përmes bashkëpunimit dhe ndërgjegjësimit mund të arrijmë një mjedis më të shëndetshëm dhe një të ardhme më të mirë për komunitetin tonë.