Deputetja e PS, Koçeku mbështet rivalin demokrat: Ndojtja e lumit Buna meriton vëmendjen e duhur

Lufta kundër ndotjes së mjedisit dhe mbajtjes pastër së atraksioneve turistike të vendit, në Shkodër po bën bashkë edhe kundërshtarët politikë. Deputetja e PS-së, Marjana Koçeku ka postuar një foto me deputetin demokrat Kliti Hoti, duke deklaruar se mbështet kërkesën e këtij të fundit për mbajtjen pastër të lumit Buna dhe Liqenit të Shkodrës.

Postimi i plotë

E mbështes kërkesën e kolegut, deputetit demokrat Kliti Hoti, për mbajtjen pastër të lumit Buna dhe Liqenit të Shkodrës.

Ma e randësishme se ndasia politike asht ajo çka na bashkon: Shkodra.

Autoritetet lokale shpesh kanë ba thirrje për kujdes dhe ndërgjegjësim. Para nji muji bana thirrje dhe kërkesë nga e njajta foltore për lumin Drin, ndotjen dhe nevojën për angazhim serioz nga tanë ne.

Mjedisi nuk asht thjesht çështje estetike, por nevojë jetike që don vëmendjen e duhun.