Deputetja e re e PS-së, Kiduina Zaka kritikoi kolegët e saj opozitarë për qasjen në Kuvend, teksa nënvizoi se po pengojnë zhvillimin normale të seancës që ka të bëjë me raportimin e institucioneve të drejtësisë. Ajo tha se deputetët e rinj të PS dhe të PD nuk kanë folur në Foltore ka qenë për shkak të zhurmuesve të opozitës.
”Që prej fillimit të kësaj legjislature, opozita na është qasur me idenë e keqardhjes për ne të rinjtë që nuk kemi pasur mundësi të mbajmë fjalën në Foltore, por në fakt sot e nxorrën kokën që paksa pasur hallin e vet që nuk kanë dalë aty. Dhe fakti që ju dhe ne bashkë me ju s’kemi pasur mundësi të shprehim qëndrimet tona, kërkojeni brenda grupit parlamentar se aty keni shumë zhurmues, më të madhin që mungon sot (referuar Bardhit).
Ne deputetët më të rinj të maxhorancës na është dashur të bëjmë rolin e edukatorit për t’u rikujtuar deputetëve më me eksperiencë të opozitës se për çfarë merret fjala për procedurë. Nëse ju kolegë të opozitës dëshirooni të këqpërdorni kohën që iu vihet në dispozicion dhe të zhgënjeni votuesit që iu dhanë votën, atëherë më qafë i paçit të gjithë qytetarët që votëbesuan se maxhoranca dhe çdo deputet i saj është zotuar t’u shërbejë qytetarëve. Një thirrje shumë miqësore të mos e keqpërdornim kohën dhe t’i kthehemi seancës normale”, tha ajo.
