Dëshira e madhe e Adele…

Që të dyja janë zonja me zëra të fuqishëm, me zëra që adhurohen nga miliona njerëz në botë. Por a është e mundur që britanikja Adele dhe amerikania Beyonce, të bëhen bashkë e t’i japin botës një këngë legjendash? Nëse pyetet Adele, kjo do të ishte gjëja më e bukur që do t’i ndodhte. Në një intervistë që ajo ka thënë për revistën amerikane Time, ku shpalosë të arriturat e saj të vitit 2015, Adele flet edhe për një duet me këngëtaren Beyonce. Një gjë që s’dihet për Adele, është se Beyonce është dashuria më e madhe për të pas të birit të saj. Ndërsa, sa u përket thashethemeve se Adeles i është ofruar një shans që të këndojë me Beyonce, dhe se Adele kishte refuzuar të bëjë një gjë të tillë, këngëtarja britanike i mohoi me buzë në gaz. Kushdo që e ka nisur një thashethem të tillë, duhet ta ketë bërë me shaka”, shprehet ajo, “për shkak se kushdo që më njeh mua, e di se prioritet i imi përveç djalit, është të këndoj edhe me Beyonce.